Velleke 2013

Dr Henrichs – Rinus Mulders (Echt – Achel)

Toen ích míen uolgende stökste wól gaon sjrieve väör ‘t veld(j))eke Bekèt uan de krínk Ech en väör ‘tvelleke uan de VBL-dach ích’n stökske te sjrieve äöver ’n markant figuur oet míen geboartedörp Ech. ‘tWaas eíne hoesdokter, Dr. Henríchs. Om det get krach bíe te zètte haw ich mích bedach get gegaeues te zeuke om zao get míeër ínformatíe te gaeve euver den tied wo-ín det speeltj. Díe ínformatíe höb ic gevonje bie ‘ne kennis dae mích wís te vertèlle det d’r ouch nog ,n dochter van Dr. Henrichs ín Ech woontj en waal precíes nog in ’t hoes wo ouch Dr. Henríchs zien praktijk haet gehadj, aan de Pelierstraot 86. Díe dochter, Els, höb ích toen gebeldj en same mít de informatíe díe ich al had bön ich ’t uolgendje te wete gekomme:
Dr. Joseph Johannes Henrichs waas gebaore in Bandoeng (Nederlans Indië) op 26-08- 1911 en gestòrve op 17-05-1968 in Remundj. Väör zover ich weit is hae in Ech
komme wone op 28 september 1940. Zíene väörganger woor ‘ne zekere Dr. Aloijsius Joseph Maria Bernard Stijns, gebaore 21-04-1882. Dae Dr. Stijns woor getrouwdj mit Anna Maria Francisca Wille gebaore op 16-11-1892 in Haarlem. Dr. Stijns is gestörve in 1941 en Dr. Henrichs haet de praktijk mit apotheek äövergenòme van Dr. Stijns. Omdet d’r toch in det hoes woor is d’r oug mer getrouwdj mit ein van Dr. Stijns zien dochters: Elisabeth A.M.A. (Betty) Stijns. Same krege die 5 wichter woavan Els dus ein is.
Dr Henrichs woor’ne hieële knappe mins. Hae woor hoesdokter bie ós in ’t dörp. Zo-eine dae nog zien eige apotheek haw mer hae goof dich allein medisiene es se die
ech nuuedig haws. Dao woor waal ‘ne apotheek in ’t dörp mer deze dokter dae mog det nog zelf doon. Wie ich h’m gekèndj höb woor’t al ‘ne aojere mins. Dae dokter  roukdje in dae tied altied ’n sigaar. Allewieles is det neet mieë denkbaar det’ne dokter mit’n sigaar in de mondj róndjlöpt. Thoes roukdje hae meistal sigarètte.
Väöl verhaole waere äöver dae mins verteldj. ’t Hie volgendje, waat ich zelf höb mitgemaaktj, is dao ein van:
Weer hadde ’n hulp in de hoeshaojing väör daag en nach. Op ’n gegaeve moment had die oetslaag oppe errm van de pols tot wo hör jurkske begös en oppe bein vanaaf de sök¨tot bie’t ènj van det jurkske.
Ze waas d’r al get kieëre met bie häöre docter gewaes mer det woor natuurlik neet oze Dr. Henrichs mèr ‘ne gans angere dokter oet’t dörp.

Toevallig koom Dr. Henrichs bie ós langs väör mien vader dae pien in de rök haw. Den kwaam dae zoa-es gebroekelik binne mit de vraog: “Hm.., hm.. Waar is het
lijk, waar is het luk?” ,wo-op mien moder den altied antjwaordje: “Es ’t ’n liek woor den hadj ich de begrafenisóngerneumer gebeldj en neet d’n dokter”.
Mein moder maakjde van de gelaegenheid gebroek om’ns aan Dr. Henrichs te waoge wao det dae oetslaag van die hulp in de hoeshaojing noe vandaan kós kómme.
Dae doktor bekiektj zich det èns en zaet den: “Hm.., hm.. Ich gaon èns wanjele” Dao ging mich dae mins door’t ganse hoes loupe en in de winkel van mien vader zuut hae
eine viever mit vesse drin en plantje dróm. Hae reuptj: “Daar is de dader, daar is de dader”.
Hae geit nao mien moder en vertèlt heur den det ze de geraniums bie dae viever mèr weg mós doon den woor ‘t probleem opgelostj. ’n Weak later woor’t probleem mit dae oetslaag ouch opgelostj zönger pille en zonger zalfke. Daonao höbbe der noats mieër geraniums bie dae viever in de winkel gestange.
In de volgendje oetgaaf komme nog get van die sjaon  dinger, die weer mit Dr. Henrichs mitgemaaktj höbbe.

Echs, Rinus Mulders, juni 2012 Mit dank aan Els Henrichs

Advertenties

Geef een reactie

Gelieve met een van deze methodes in te loggen om je reactie te plaatsen:

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s