Velleke 2012

Opstaekers – Theo Van Dael (Kinder)

De bès neet allein man es t’n e kindj kóns mós’t ouch groeëtbringe!

  • Soms is ’t laeven hieël verdreitj, den ruke de veut en luiptj de naas!
  • Ieëst dinken en den kalle…veur des t’n in affronte geis valle!
  • Röstj ouch ins es dj’r t’r geinen tied veur höbtj !
  • Es eine van ós twieë sturftj gaon ich oppe boete woeëne !
  • Sjoeënmoder mót aldaag 5 km wanjelen en hooftj zich veur mien paart neet óm te dreie!
  • Es te teveul alkool drinks kan die blood verdampe veur des te de kans kriegs óm nao d’n dokter te gaon!
  • ZeeÍj neet óntgoocheldj euver eug gebreke… angeren höbbe t’r zoeëveul plezeer aan!
  • Bedanktj en estebleeftj zeen twieë van de sjoeënste weurd diej ze oeëts höbben oetgevónje!
  • Vreuger lieërdje ze ós kalle en nów det wae ’t good kinne lieëre ze ós zwiege. 
  • Aan thoes mós te zeen net wiej des te dich ónger de vreemdje minse gedreugs!
  • De raekening vannen dokter is veul baeter te laezen es zie gesjrift veur’t recept.
  • Leefdje geit altied veul deper es seks.
  • De weerstandj is’t kleinste biej sjoklaat aete.
  • Ein relasiej diej geheim mót blieve maag eigelik neet blieve.
  • Pien is altied ins op ’t ergste !
  • Op ’t lèst van die laeve tèltj allein wiejveul des te van angere höbs gehaoje.
  • Eigelik is ’t veul gemekkelikker in vrede te röste inplaats van in vrede te laeve.
  • Allein e zuver geweite maakd dich gelökkig.
  • De kóns dich gein sjoeëner zón veurstèllen es e bliej gezicht.
  • Waas te echt höbs det is diene naam en dae höbs te nog van emes anges gekrege.
  • De moogs ouch ins zwiegen es te veul ervaring höbs.
  • De moogs aan veul dinger dinke mer, mer ein dingk doon.
  • Slaope duis t’n altied in dienen eigen tied.
  • ’t Veurdeil van die laeven is, det ’t mer tiedelik is.
  • De meiste luj höbbe get euver veur’nen angere mins es ze get euver höbbe.
  • Es te die geldj snel luuëts rolle den stinktj ’t neet zoeë erg.
  • Van minse diej oos meining deile dinke wae det diej ouch gezóndj verstandj höbbe.
  • En es ‘r get veur dich zweid is ’t bèste waas te kóns doon: trökzweie!
  • De kóns veul mieë verlezen es allein mer die gedöldj !
  • Ederien winstj dich sukses mer dao zeen t’r neet veul diej dich det gunne!
  • ’t Lot sjödj de kaarte en wae moge t’r mèt speule!
  • Eine vriejgezel kan langs twieë kanten in ’t bèd kroepe!
  • De meiste minse diej nów doeëd zeen wore staags t’rveur nog ónsterfelik!
  • Vriejers kalle stil en vrieje zoeëveul te heller!
  • Mèt eine stómme kop kóns te nog slum kalle!
  • Dae van veur neet wètj det ‘r van achter laeftj heet dèk ein voel óngerbóks aan!
  • Dae neet tevoot wiltj gaon mót zörge det ze ziene fits neet pikke!
  • Dao is noeëts ’t lèste inj ! Dao is altied e nów begin!
  • Gelök kóns te neet baeter verstaeken es in dich zelf!

Meer teksten van Theo Van Dael vind je terug op de website Sjrieverskrink Veldeke

Un goei ziel – Laurette Nuyts  (Neerpelt)

We hauwen, as ich nog è klè kéénd war, int deurep van Aachel è
groewet hoewes mè nog ne groetere rontelom, hielegans in ’t grung!
Plak was er genoeg vur ’n hiel regiment te herbergen.
Onder de zomervekansie wast er drukke neiring. Os bomma wonde bè
os een en nen hoewep neven en nichten deujen dan hun intrejen.
Overal wier er gesloapen en was er lool en plezier. Mèr og ooverdaag
spienter as ön oerdeal. En bomma moest er stevig de haand an haawen
want ozze pa en oz ma warren wèreken.
Ich was de kleinste pegadder en haw nie veul te ruttentutten. En as ich
miene moond toch al es open deuj kwèkte ze allemoal in ’t kooër:
“Lerèt sjit vèt in ’t kabinèt.”
En ich makde dég onder de vujt oewt war schruiwend liek è vèrkentje.
Zoè warre die rèkels op ne kiejer stevig over de schreef gegoan en er
moest gestraft weren. Iejene nèèf nam de scheuld op zich en zééj:
“Ich bént gewist bomma!”
En zoewe kwam iej int hinnekoot terècht. De deur wier langs boewten
aafgeslooten. Mè dö opgeslote zitte en nog mè vur un deal schuldig,
tussen de polder de eier en de hinnestronten was gè lolleke en deurde
hum wa lang.

En heij wis te ontsnappe. Heij docht:
“Dè hinnekutje (1) is nogal groewet oewt gevalle en ich bèn mè klèn. Do
kan ich og wel doàr.”
En zoëwe belande iej int boetenhok, tussen de hinnen en de hoan. Do
ston iej dan te permetere en nog altiejd niet rug bé zieng kornuiten.
Mé diej gaasten hawwen plezier vur doezend maan en ze riepen:
“Bomma, bomma! Nouw moede heum er toch mer huist oewtloaten
want heij kan toch nog gen eij legge. En kakele dut iej og nog niej !”
En zoewe kwam Lucien op vrije veujt en konne de spullekes opneij
beginne.

(1) Uit- en inloopgat

Advertenties

Een gedachte over “Velleke 2012

  1. Pingback: Veldeke Bels(j) Limburg | Op zoek naar teksten in uw dialect ?

Geef een reactie

Gelieve met een van deze methodes in te loggen om je reactie te plaatsen:

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s